طالب بدرجة وزير من طرف ابلة الهام

[size=18]
أولا احىى الطالب محمد نجم وزملاءه واخص بالذكر محمد لانه صاحب فكرة حملة النظافة فى المدرسة تحت شعار شباب ثورة 25 يناير لكن هذا لاينفى تقديرى لكل أولادى اللى شاركوا فى بناء مدرستهم بشكل ايجابى وحضارى وغلف هذا العمل الحب للمدرسةوالتفانى فى خدمتها بغض النظر عن من القائد ومن المنقاد

ووووووأتساءل هل يتساوى هؤلاء الشباب مع من يتنازعون الان على صفحات المنتدى على القيادة والزعامة فى ثورة مضادة يغلب على طابعها التخريب لاثاث المدرسة والتحدث مع الاساتذة بشكل غير حضارى

اأولا دعونا نتفق على عدة امور
1- المطالب مشروعة وهى حق من حقوقكم
2-نتفق أن التيرم السابق يعتبر عهد قديم وهذا التيرم عهد اخر بفكر جديد وحياة افضل
3أن من كان من صفا ته رفض الراى الاخر والتقليل منه فى العهد القديم قد أجبر فى هذا العصرعلى قبوله لانه اذا رفضه يصبح شحصية غير مقبولة
وطبعا كلكم متفقين معى على هذه الامور
لكن اسمحولى اختلف معاكم فى امور اخرى
ااتفقنا على ان المطالب مشروعة ومن حقى أعبر عنها ( لكن كيف أعبر)
انا أعرف انة فيه امين لكل فصل يستطيع تجميع هذه المطالب وجمع التوقيعات عليها وايصالها من خلال القنوات الشرعية ومحدش يقولى ان الورق هيطقطع ويترمى فى الزبالة لأن احنا اتفقنا على ان الناس اتغيرت فعلا حتى انتوا تحسوا التغيير فى كثير من الطلبة زى اللى نظفوا المدرسة وفية غيرهم كان
يبكى على الرئيس السابق ويعتبر الثوار ناس غلطوا فى فهمه وانهم عمرهم ما هينسوه ومع ذلك قادوا ثورة أول مطالبهاتغيير اسم المدرسة يعنى معنى ذلك انهم اتجبروا على انهم يغيروا من نفسهم واالولاد اللى نظفوا عرفوا ان الثورة قامت وانا مطالبنا فى التغيير اتحققت وان المطلوب مننا الان العمل كلا فى مجاله بالفعل مش بشعارات وتقليد اعمى تحت مسمى الثورةعلى فكرة انا وقفت مع اغلب الطلبةفى الميدان وسألت واحد واحد انت عايز ايه كانت الردود مذهلة
1 واحد قالى أناعارف انا بقول زى ما بيقولوا
2وواحد قال انا بطلب من المدرسين يحترمونا وده طلب مشروع لكن مش ديمقراطى لانه المفروض يبدأ بنفسه ويقول الاساتذة يطلبون مننا اية عشان يحترمونا وانا اتحدى اى طالب يتمتع بادب الاستماع ان يجرؤمدرس على اهانته لان أ-ب تربية ان يحترم الصغير الكبير ويليها يعطف الكبير على الصغير
وواحد كان فاهم وواعى هو عايز ايه بالضبط ودل كانوا قلة قليلة والباقى كان هدفه مجرد التقليد
نرجع تانى ل كيف اعبر عن مطالبنا هنفترض مع بعض ان ورقة المطالب مزقت ىوجد مخرج اخر سلمى وبالمرة نفسر كلمة سلمية اولا الثوار لم يتاخذوا من الجامعات والمدارس لثورة وتعطيل العمل ولم يقوموا بالتكسير والتحطيم حتى للوح زجاج ولما قالواسلمية قصدوا توصيل المطالب لناس كانت
رافضة اصلا تسمع لكن فى المدرسة نزل المدير والمدرسون وسمعوا
وكان المفروض لو هى سلمية نجلس مع القادة ونتحاور لكن للاسف القادة نفسهم كانوا لما يشفوا اى حد جى يتحاور يحرض زملاءه على تجاهله والاستمرار فى الهتاف وكأنه غير متواجد وبعد ذلك يكون من مطالبه ان يعامله الكبير باحترام
انتوا عارفين ان لو كان الرئيس
بعت مندوب للثوار يعرف مطالبهم ويلبى اربعين فى المية منها كان بقى فى الحكم حتى الساعة لكن فضل تجاهلهم وللاسف ده هو اللى بيحصل من الطلبة الان [size=24]
التجاهللاسرة المدرسة ولاسرهم لانهم جزء من المدرسة ومجلس الاباء هو الوسيلة الثانيةاللى اعبربها عن مطالبى وانا اعتقد ان هناك اولياء امور يعرفون جيدا كيف يحققون رغبات ابنائهم ويملكون السلطات لتحقيق هذه المطالب بجرة قلم زى مابيقولوافلماذا لايتعاون اولياء الامور لتحقيق هذه الرغبات المشروعة وهم جزء لايتجزأمن نظام وادرة المدرسة
ثم اذا فشلت هذهالامور الجأ الى الثورة حتى لا اضيع على زملائى حقهم فى استمرار الدراسة وحضور الحصص وخاصة ان الوقت هذا التيرم ضيق ولايحتمل تاخيروفى النهاية احيى كل أولادى اللى شاركوا فى مشروع النظافة لانهم فكروا بشكل حضارى وبعقل سابق سنهم وأعطيهم لقب طالب بدرجة وزير وعلى فكرة فيه دعوة لاعطاء جائزة نوبل للشعب المصرى
يعنى كل واحد فيكم هيكتب فى السيرة الذاتية
بتاعته حاصل على جائزة نوبل وكما ن طالب بدرجة وزير يعنى محدش هيعرف يكلمكم ارجوا ان تتقبلوا رأيى بصدر رحب وبشكل دىمقراطى ويعلم الله وهو المطلع والمجازى انى ما اردت سوى مصلحتكم واسداء نصيحة خالصة لوجة الله
الهام

[/size][/size]

موضوع رائع

عندك حق يامس

ررررررررررررررائع

شكرا ياشباب الثورة
ابلة الهام

شكرا ليكى يااستاذه الهام لانك وقفتى الولاد على الطريقة الصحيح

بس الولاد اللى حضرتك بتقولى انهم بيتشكلوا على مين القائد ده مش هما اللى قالوا المدير يمشى ولا دول اللى خربو
وبعدين الجمد لله محصلش تخريب ولا حاجه لان كان فيه ناس عاقله جدا موجوده والمدرسين قامو بدورهم ومحمد على فكره برده صاحب فكره النظافه كان مع الولاد وبيحتج معاهم يعنى متخلاش عنهم لانها دى مدرستهم كلهم
ومش دول برده اللى كلموا المدرسين بعدم احترام كلنا عارفين الولاد دول كويس وعارفين انهم مش مشاغبين وعارفين برده مين الطلاب المشاغبين فى المدرسه
الطلاب اللى بيختاروا قائد او اتنين ليهم
دول اللى كانوا بيقولوا سلميه سلميه طلبوا حقهم المشروع فى انهم يقعدوا فى مكان مريح ومناسب دول طالبوا برحيل الكليه طالبوا بتغيير اسم المدرسه بتخفيف المناهج وبالغاء الحقيبه المدرسية بالغاء التطوير والجودة فى المدرسة اللى بيهدر وقت المعلم قبل الطالب
دول اللى اتصلوا بشيخ الجامع وجابوه فى المدرسه وقعدوا معاه هو ورئيس ومدير امن الادارة وماشيين من المدرسة الساعة 2 الضهر
يااستاذه الهام
الولاد دول بيتفقوا مين من بينهم هايتكلم بااسم طلاب المدرسه وبيفكروا هايعملوا ايه لمدرستهم لاهم خربوا ولا هم دمروا حاجه فى المدرسة ولا هم اهانو المدير
الكلام ده من طلاب تانيه وبيتهيئلى انهم معروفين بشغبهم فى المدرسة وكانوا زعلنين من المدير علشان بيعقبهم لما بيغلطوا
انما الشباب اللى حضرتك بتقولى انهم بتخنقوا على قيادتهم
دول فعلا اتكلموا مع رئيس مجلس الاباء بالنيابة على المدرسة ومع مدير امن الادارة وبلغوهم رأيهم
انما الطلاب التانيه وبرده معروفين جدا ليا وليكى هما اللى قالوا الكلام اللى حصل ده
لسبب شخصى عندهم
يااستاذه الهام من حق الطلاب انهم يقولوا رأيهم وكويس جدا انك وضحتى الطريقه الصحيحة الى ممكن يقدروا يعبروا عليها
وانا بشكرك عليها
وجارى تثبيت الموضوع
نظرا لااهميته

جميل جدا

المزاج : نقاط : 8 عدد المساهمات : 8

السلام عليكم ورحمة الله وبركاته
ياابله الهام كل كلامك صح مش لازم نخرب المدرسه
بس حضرتك برده نزلتى بالعصايا ومشيتى البنات وطلعتيهم الفصل بتقولى سمعتى سمعتى لمين بدل ماتنزل بعصايا طول كده
وتضربى البنات وتقوليلهم على فصولكم اسمعيهم هما كمان
حضرتك بتقولى اننا بوظنا المدرسه ده محصلش عملنا ايه كسرنا ايه المدرسين والمير نازلين بعصايا طول كده
احنا الحمد لله بنحترم مدرسينا كلهم بس حبينا نقول رئينا
ده يزعلكم
ومع ذلك انا اسف لو كنت عملت حاجه انا وزميلى ضيقتكم
ومش احنا اللى كنا بنقول المدير يمشى

اولا بشكر كل من تفضل بقراءة الموضوع واحيى الابلة جيهان مؤسسة المنتدى لانها سمحت لنا ووفرة لينا فرصة للحوار والمناقشة اولا ارد على الابلة جيهان انا ماقصدش بيشكلوا على الزعامة انهم عاوين منظرة انا قصدت انهم تزعموا موضوع اهدافه نبيلة وانا اتفقت فى بداية الموضوع على مشروعية المطالب لكن اختلفت معاهم على الطريقة والاسلوب ولان الزعامة مسئولية واول مبادئها ان درء المفاسد اولى من جلب المنافع والمفسدة الاولى وده هيكون الرد على خالد أن الطلبة لو تلاحظ اخذوا ادراج المكاتب وطبلوا عليها لغاية اما اتكسرت وممكن نشوف ده سوا يوم الاحد
2كمان حالوا ازاحة جدار الكلية بعنف لالغاية لما اتطبق
3كمان حاولوا يتجهوا الى بوابة المدرسة بشكل غيرمنظم وبعضهم حاول القفذ من البوابةوكان ممكن يحصل اى مكروه
وزى ما قالت الابلة جيهان ان فيه ناس مشاغبين وانا متفقه معاها انه فيه الصالح والطالح ومن واجب الصالح انه ما مايوفرش الفرصة للمفسد انه يتمادى فى فساده
ثانيا واضح ان حالد ابنى ما كنش شايفنى كويس انا ما كنتش ماسكة عصايا ولا حاجة والصور تشهد حتى فى صورة من الظهر لى وانا رافعة ايدى الاثنين عشان اهدى الولاد واسمعهم وان سمعت البنات فعلا وحاولت اطلعهم لان رايى واضح زى ا قرأته فى الموضوع من الاول وانا ما اعترضتش على المطالب انا اعترضت على الطريقة والوقت حتى أنا قولتهم انا هخرج معاكم بعد الحصة السادسة ونظم مظاهرة امام المدر سة وليس بداخلها
وأكرر تانى أنا معاكم فى مطالبكم لانها حقوق مشروعة ولان مصلحتكم هى مصلحة ولادى وأنا مستفيدة زى زىكم لكن اعتراضى فقط على الاسلوب اللى هنعبر بيه ارجو انكم تتقبلوا حضورى الثقيل ده ونصائحى الخالصة لوجة الله

الاستاذه الغالية الهام بحييكى على روجك الجميلة وعمرك ماهتكونى ضيف تقيل ابدا
انتى اللى حرمان من وجودك معنا بالمنتدى وانت عارفه ان وجودك هنا معانا مكسب لينا كلنا وربنا يعلم
وبنرحب بيكى بينا ومعانا وايديك فى ايد ولادنا علشان نوصلهم لبر الامان
بشكرك مرة تانية وربنا يستر من يوم الاحد
ولو ليكى اى اقتراح اعرضيه هنا الولاد بيدخلوا وياريت تهدى الامور وربنا المعين

جااااااااااااااااااااااامد جددددددددددددددااااااااااا تسلمى يامس

أنا بحييكى يا مس الهام وبتفق معاكى فى أمور
ولكن
أولا/المظاهرات لم تكن تخريبه
ثانيا/نحن لم نتنازع على الزعامه نهائيا
ثالثا/بالنسبه للطالب اللى قال ان عمره ما هينسى الريس وده طبعا هو/................ كله عارفه وهو أحمد على أحمد العساس وأفتخر بوجهة نظرى
رابعا /هذا الطالب لم يكن يؤيد مطلب تغيير اسم المدرسه ولكن الطلاب فوضوه من الصبيان انه يعرض مطالبهم
وده كان من مطالبهم بيقى لازم انه يوصل مطالب الطلاب ولا ينفرد برأيه والا ميستحقش الثقه من الطلاب
رابعا/ بالنسبه للتحاور أوجه سؤالى مره أخرى يعنى يا مس الاداره اكنتش عارفه المشاكل اللى احنا بنعانى منها كان لازم نتظاهر علشان صوتنا يوصل
خامسا/هى كانت سلميه ميهف الميه بدليل لما قله قليله ذهبيت لتكسير باب الكليه قمنا أن والرملى وسمير وكريم وزياد وبعض الطلاب بمنعهم وقمنا بعمل حاجز بينهم وبين الالبوابه
سادسا/نحن لم نكن رافضين للحوار بدليل ان أستاذ يوسف أول ما جه اتحاورنا معاه وأول ما مشى كلنا روحنا
سابعا/احنا لم نقوم بتقليد أعمى كما وصفتى
ثامنا/جميع الطلاب اللى كانوا فى المظاهركل واحد كان عنده مطلب
وأنا عايز أعرف مين الطالب اللى حضرتك سألتيه وقال معرفش
مع خالص احترامى للاستاذه الهام

تسلم اديك يااحمد وربنا يبارك فيك انت وزملائك
وطبعا الاختلاف فى الرأى لايفسد للود قضية

بسم الله الرحمن الرحيم
اولا شكر ابنى أحمد على اهتمامه والرد على الموضوع
وزى ما انت متفق معايا فى البداية فأنا اتفقت معاك ومع غيرك على المبدأ
وأحاول أرد عليك على قد ما أقدر وعلى فكرة أنا مبسوطة من طريقة الحوار حتى ولو كان فيه اختلاف فى وجهات النظر زى ما قالت مس جيهان رايها بكل حياد وبعيد عن أى مآرب شخصية
اما بالنسبة لنقطة الخلاف على الزعامة فأن مش جيبة الكلام من عندى أن شوفت على المنتدى حتى وان كنت انت غير موجود معاهم حتى لفت نظرى كلمة لاحدهم بيقولوا حتى الواحد ملوش بخت فى المظاهرات كمان وصدقنى مش فاكرة اسمه
ثانيا صحيح انا كنت أقصدك لكن ما ذكرتش أسماء لانى تخيلت انك اقتنعت بالثورة بعد ما رايت كم الفساد الذى أحدثه الرجل بالبلد
ولكن الذى لم أفهمه أنك اذا كنت تخليت عن مبدأ ما زلت حتى الآن مقتنع بيه حتى لاتخون ثقة300 او 400 طالب
بدافع الزعامة الم تدفعك وطنيتك أن تتنازل عن نفس المبدأ نزولا عن رغبة 85 مليون مصرى
اتعترف بأخوتك ل300 طالب وتوحدك معهم فى الاهداف والرغبات وتنكرها على 85 مليون وتختلف معهم بشكل علنى متحديا كل مشاعرهم فى سبيل التمسك بما تقتنع به وعلى حد علمى أن المبادئ لاتتجزأ
بالنسبة لمسألة سلمية فأنا شفت أدراج المكاتب اللى كانت معاكم وكان الطالب اللى كسرها واقف بجوارك وتراه بعينك ولم أجدك تمنعه ااتفقت على شرائه قبل بدءالمظاهرة
بالنسبة للحوار تقول قبلت الحوار مع الاستاذ يوسف لكن رفضته مع الابلة ماجدة والاستاذ سمير وغيرهم من أسرة المدرسة
بالنسبة للمشاكل وعلم الادارة بها لإاغلبها مشاكل خارجة عن ارادة المدرسة كالمساجد ودورا المياة وبالنسبة لمسألة تخفيض الوقت وكان هذا أمام عينى ولست أبرر للاستاذ سمير وكما كان أمامى كان أمام هالة منصور والاستاذة ناهد الحسينى أن الاستاذ سمير ذهب يوم الأربعاء بطلب للادارة وهو اليوم السابق للمظاهرة لتخفيض وقت الدراسة أسوة بمدرسة الكفراوى
وبالنسبة للطلبة اللى ماكنوش عارفين هما عازيين ايه فحدث ولا حرج
وان كان فكرتك نبيلة واتخذت الصوت العالى وسلية للحوار الهادئ فغيرك وجده أسلوب للحياة ,اصبح لا يستحى أن يرفعه على معلميه بحجة أنه حق من حقوقه

اعجز عن الكلام بس ده كلااام جمييييييييييييل وكلنا متفقين على ان الهدف واااحد وهو الرقي بالمدرسة ومن ثم الرقي بالوطن والله الموفق............

فعلا اهم حاجه بالنسبة لينا مدرستنا ولازم نهتم بيها ونحافظ عليها وربنا يعنا ومطالبنا تحقق يااااا رب

بما ان حضرتك كنتى تقصدينى فلماذا لم تذكرى اسمى واكتفيتى فقط بالتلميح وأنا أرفض تلك الطريقه
ثانيا/بالنسبه للخلاف على الزعامه فكانت بين مجموعه ليس لها علاقه بتنظيم المظاهره من الصبح
ثالثا/أنا لم أتنازل عن المبدأ وزى ما قلت ده كان مطلب الطلبه اللى فوضونى وكان لازم أعرضه والا مكنتش استحق الثقه منهم ويجب الا أنفرد بوجهة نظرى
رابعا/بالنسبه لل85مليون هما فوضونى يعنى علشان أعرض مطالبهم اللبى فوضنى زى ماقلتى 300طالب مش 85مليون
وال85 مليون مش بيطلبوا تغيير اسم مدرسة مبارك الاعداديه المشتركه بدمياط الجديده
خامسا/ياريت منقلش حاجه على الطلبه الا لما يكون معانا دليل مين اللى قال حتى ماليش بخت فى المظاهرات؟؟؟؟؟؟؟؟؟؟؟؟؟؟؟؟؟؟
مينفعش نقول فى واحد قال ................ لازم نقول ده فلان اسمه..........قال...............
سادسا/حضرتك كده منعتينى من الحريه أما تقولى متحديا بشكل علنى يعنى ايه قصدك وهدفك من العباره دى أنا برفض ان حضرتك تقولى عليا كده لأن أنا كنت بأيد 85مليون فى بعض المطالب وبعدين فين الحريه والديمقراطيه اللى لما الواحد يقول انه بيحب مبارك يتقال عليه انه بيتحدى المشاعر بشكل علنى فين بقى الحريه فى الرأى والديمقراطيه اللى كنتعوا بتقولوا عليها؟؟؟؟؟؟؟؟؟؟؟؟؟؟؟؟؟
سابعا/أنا أرفض ان حضرتك تشككى فى وطنيتى لأن أنا وأهلى ووالدى لفينا مصر كلها 26 محافظه تلبية لنداء الوطن أثناء عمله مثل/شمال سيناء والحدود مع رفح واسرلئيل والصعيد والبحر الأحمر وبلاد كتيييرفى الوقت اللى كله كان فى بلده مع عيلته و مستريح يبقى عيب أما نجيب سيرة الوطنية

ثامنا/أنا رفضت الحوار مع المدرسين لأن هم أصلا مكنوش معترفين بمطالبنا بدليل انهم نزلين باعصايه
تاسعا/كل طالب كان عنده مطلب خرج يقوله بصوت عالى بعدما زهق من الصوت الهادى اللى من كتر ما كان هادى محدش سمعه
وانا مازلت عايز أعرف اسم الطالب اللى مكنش عنده مطلب

اكيد الطالب دا مش انا

!!!!!!!!!!!!!!!!!!!!!!!!!!!!!!!!

جميل يامممممممممممس

واضح انى هتعلم حاجات كتير على يد السيد \احمد العساس
هتعلم ايه اللى بنفع وايه اللى ما ينفعش يتقال
اولا أنا لما رديت على السيادة كنت بتكلم م العقل الى عقل مفتوح
وواضح ان انت ما استوعبتش او بمعنى اصح بتحب تضحك على نفسك
اولا ليه ما ذكرتش اسماء انا ذكرته
ثانيا لما قلت انك تحديت 85 مليون مكنتش بشكك فى وطنيتك انت اللى شككت فى ذلك وانكرته عليهم حتى بص كويس ودقق فى الصورة اللى انت حططها والكلام اللى تحتها هتلاقى العبارة الاخيرة (000000000)
وانالم اقصد المفهوم اللى طرأ على ذهنك ومفيش عندى ما يدعو لذلك ووالدك شخصية محترمة مش أنا بس اللى بحترمه بلدى كلها تحبها وتحترمها ووالدتك سيدة محترمة ليس بيننا الا كل ود ومعروف ولا اعرف لماذا اجحموا فى الموضوع
وواضح ان الموضوع أخذ منحى غير طبيعى لذلك أنا بقفل باب الحوار والرد على الموضوع من سيادتك او من غيرك

شكرا يا أستاذه الهام

أنا رأيي ان كل واحد ليه وجهة نظره ويعبر بيها زي ما هو عايز يمكن يكون أحمد شايف حاجه في مبارك احنا مش شيفنها

أو بيحبه علشان موقف معين
لو أي حد فيكم اتفرج علي لقاءات مبارك بتعات أيام زمان وحواراته
أراهتن علي انه هيحب مبارك
أنا عن نفسي أما شوفت الفيديوهات بتاعته أيام زمان عيطت

» احلى سلام واجمل تحية لاستاذة الفاضلة الهام النجار
» حوار بين طالب واستاذ
» لمساعدة كل طالب يتمنى التفوق
» سجل حضورك باسم طالب في فصلك
» حوار بين طالب ومدرس ..... مضحك جدا