رسالـــ ـــــ ــــــ ـــــ(ــ فى المنـام ــ)ـــــ ـــــ ــــة

من قصائد مصطفى شعبان
زيارة في المنام
::::::::::::::::::::::::::::::::::::::::::::::::::::::::::::::::::::

نامت بعد بكاء طويل

...ودموعها ع الخد نازله

تكتب أنساك مستحيل

تحلف إنت وردة شابة

رافضه تفهم بالدليل

إنها مش راح يوم تشوفك

معذورة الصدمة جامدة

جالها وف منامها زارها

وزى ماكان دايماً بيعمل

صحاها من عز نومها

وبإبتسامة صافية حلوة

قالها حبة كلام

قالها مش فاكرة ياما

لما بكينا على الظروف

قالها مش فاكرة انك

قولتيلى اتعلم تشوف

قالها انا لسه فاكر

كل درس فى القراءه

قالها أنا مصرى جداً

مش بس خانة ف البطاقة

قالها حافظ النصوص

قالها انا قولت تحيا

كل صبح فى الطابور

قالها إزاى انا ارضى

تحكمها عصابة لصوص

قالها انا عشت فيها

ولما مت كان عشانها

قالها علشانى ياما

ربى جوا اخويا راجل

علميه يحب البلدى

علشان حريتها يناضل

ولو صحيح مشتاقه ياما

لضحكة منى او لـ ضمه

وعد بكرة هتشوفينى

لما تبقى مصر حرة

أيوة ياما هتشوفىنى

فى قلب ضحكة كل مصرى

:::::::::::::::::::::::::::::::::::::::::::::::::::::::::::::::::::::::
تحياتى
SINURITA

جميل يا وزووووووووووووووز

استمرى

راااااااااااااااااااااااااائع جدا
استمرى

جميييييييييييييييييييييل

مروركم هو الاجمل

شكرا يا زوزو