تصويت في الجون

معلش يا احمد بعد اذنك هعقب على رايك
اصلى مكنتش قراته كله

انت بتقول ان الى ماتو ف المظاهرات دول مش شهداء
امال هما ايه ان شاء الله
ناس بتدور على حقها
يبقى مش شهيد
انت لو كان ليك اخ ولا اب ولا اى حد يقرابلك
استشهد ف المظاهرات دى
كنت هتقول عليه ايه
وكمان بتقول ع البنات الى نزلت ف المظاهرات ملهاش اهل يلمها
يعنى انا لو نزل ببقى مليش اهلى
انت عارف معنى الكلمة دى ايه
والله انا لو ف عندنا مظاهرات اوطلبونى كنت نزلت من غير تفكير
انت محسسنى ان التلتين سنة الى حكمها دى
كانت كلها رخاء وكنا متنغنغين
انت منتش بتشوف الاطفال والعائلات نمين ع الارصفة ومش لقين ياكلو
انت مشفتش المناطق العشوائيه الى حوالين القاهرة الكبرى
للاسف انت فكرت كل الناس مرتاحة زى ما انت مرتاح
الشباب الصيع الى انت بتقول عليهم دول
مش هما الى اسقطو وزارة نظيف الفاسدة
مش هما الى خلو عز وجمال يهربو
انا معاك ان احنا مينفعش نهزأه ونحترمه
بس الشباب تعب
هتقولى الحاشية الى حواليه هما الى افسدو البلد
هقولك هو مكنش شايف الفساد ده
امال هو قاعد ليه
والارباح بتاعت قناة السويس بتروح فين
انت عارف لو كانت بتروح للشعب
مكنش هيبقى ف حد جعان

وعشان تبقى عارف
كل شخص اشتكى وبات جعان
كل دا ف رقبته


وخد بالك انت هزاتنا
ف ردك بس يمكن متكنش اخد بالك
الله اعلم

انا احترت ف رايك يا شيخ
انت كلامك متناقض ليه
وشكلك اخد الموضوع هزار
وانا مبحبش كدا
وبعدين انت حددت الشهادة امتى
ف اليومين الاولنين بس
يا سلام
شوف العالم الفقيه محمد حسان الى كلنا بنحترمه قال انهم شهداء
دول متغسلوش
معنى كدا انهم شهداء
وبعدين الى بيجيب السندوتشات
الاهالى بيجيبو لبعضهم
انهما اذا كان اصدك على البلطجيه الى جم خربوها
فانت عارف كويس اوى دول جايين من عند مين ومدفعلوهم منين
وانت بتقول ان لو كان ليك اريب مات ف المظاهرات دى كنت هتترحم عليه عادى
بزمتك دمك مش هتحرق وتحب انك تنتقم له
دنا دم اتحرق ع الى ماتو دول وانا معرفهمش
وبالنسبة بقى انزل المظاهرات
ايوه هنزل وبابا هيسبنى لانى لو مت ف المظاهرات دى هيفخر بى
وبعدين انت انحرفت لموضوع تانى
وكمان بتقول ان البنات بتهزر مع الشباب وبتعيب ع لبسهم
طب ممكن يكونو مسحين
وبعدين احنا مبنحكمش بالبس
وبلاش نتكلم ف المواضيع دى
وبعدين احنا مالنا تهزر ولا متهزرش
طب يمكن يكون اخوها ولا اربها
وبعدين بتقول هى نزلت تبات ف الشارع دا كان اكيد برضا ولى امرها
وطالما هو راضى يبقى محدش يتكلم

وعشان تبقى عارف
الى دعت للمظاهرات دى بنت

وبتقول الراجل بدا التصليح الفعلى
بس بدا متاخر
بدا بعد البلد ما ضاعت
لانه خاف السلطة تروح منه

شوف انا مهنتكش
كلامك هو الى بيقول كدا

بص يا احمد مطلب الشعب الرئيسى
ان الرئيس يرحل

وبعدين احنا عارفين انتصاراته ومجهوداته الجبارة ومتفكرش دى تريقة
وبعدين الى جابلنا الانتصار التخطيط الذكى بتاع انور السادات
امال السادات كان بيعمل ايه
بيشاور

.صاحب الضربة الجويه
عارفين ومقدرين
بس متقولش هو الى جاب الانتصار

وبعدين ف حد يعد يغلط 30 سنة مع 80 مليون
مش حرام برده
باى منطق دا
وغلطة عن غلطة تفرق

طب كويس انك عارف ان كل دا زنب ف رقبته

انت بتقول ان احنا خدنا الكلام لنفسينا
امال انت كنت بتكلم مين
وبعدين يا احمد لا انا ملمه بالموضوع ولا انت

مدى غلطيتى انى حبيت اقول رايى

انجازات
1-مترو الانفاق
2- الكبارى
3-الطريق الدائرى والمحورى
4-التليفونات
5-عدم الانجرار وراء المزايدات العربيه للدخول فى مناوشات وحروب
6-علاقات حسنه مع العالم
مساؤى
1-ازدياد البطاله بصورة رهيبه
2- زيادة الفساد
3- الاعتماد على ورثه الاتحاد الاشتراكى فى حكم البلد
4-انهيار الاقتصاد
5-قانون الطوارىْ
6- تنصيب وتجهيز اولادة لحكم التكيه من بعدة
7- ازاله الطبقه الوسطى التى كانت الميزان للقيم والمثلوزرع قيم الفساد
كان المفروض فيه
1- ارساء قيم الديمقراطيه الحقيقيه بعدم الجلوس على الكرسى طويلا
2-تنظيف البلد من ورثه العهود والذين عملوا مع كل الحكام
3-اعلاء قيم الحق والمثل ورفض النفاق
4- الغاء قانون الطوارى
5-تعديل الدستور ليتم تداول السلطة والرقابه الحقيقيه على الانتخابات
6-محاسبه حقيقيه للجميع واحياء قانون من اين لك هذا
7- اطلاق حريه اصدار الصحف والتلفزيون
8-التخلى عن رئاسه الحزب الوطنى وتركه لمصيرة
9- الشفافيه فى الحكم والبعد عن مظاهر الابهه والبذخ
10-معرفه ان هناك رب يحاسب فيتقى الله فينا