اسئله مستفزة جدا فى حياتنا !!!

السلام عليكم ورحمةالله وبركاته

فى دايما اسئله وتصرفات على طول بنعملها ده لو بطلناها هيجرلنا حاجه بس الاسئله بتبقى مستفزه للى بيتسأل وبكون عايز يخنق اللى بيسأله او ميردش عليه
بصوا التصرفات دى والاسئله الرذله دى

1_واحد داهن الحيطه ولسه مانشفتش وكاتب يافطه اد دماغه حاسب الحيطه لسه مدهونه يقوم يجى واحد ظريف وحاطط ايده عليها وبيلمسها وبيقول ده لسه منشفتش فعلا
(يعنى هو لازم يحلف)

2_أنت في أوضتك على السرير وطافي النور ومتغطي فيجى اخوك مثلا ويقولك انت هتنام ولا ايه؟ سؤال ينرفز (( اكيد
انا مش فى وضع رقص وواضح اوى ان انا هنام))

3_أنتم معزومين عند ناس ورحتو لبيتهم وأول ما فتحولكوا الباب سألوكوا
ايه ده انتو جيتواا ؟
(لا لسه والله ما جيناش)

4_أنت لابس هدومك و متأنتك و على سنجه عشره وريحة
البارفان
واصله لاخر الشارع وخلاص بتفتح باب الشقه يجي حد من أهلك
وينادي ويسألك بصوت عالى انت خارج؟
(( لاء دانا لسه راجع ))

5_ماسك سماعه التلفون وقاعد بتدوس على الارقام يجي حد من أهلك مثلا
ويقولك
انت هتتكلم في التليفون ؟
(( لا بتفرج عليه أكيد بتكلم ))

6_مثلا : ماسك مذكرة أو كتاب وقاعد بتحفظ ومتحمس اوى جه حد
وقالك :انت قاعد بتذاكر ولا ايه؟
(( تقوم رامي الكتاب و تقوله لااااااااء ))

7_واحد بيخبط على الباب وانت رايح تفتح طبعا هتقول الاول مين؟
فيرد عليك ويقولك انا
(( يا راجل تصدق كنت فاكرك مش انت ))

*يارب الموضوع يعجبكوا ومستني ردودكوا*

منقوووووووووووول

موضوع جامد اخر حاجة جميل اوى وفعلا بيحصل كل ده مفيش حاجة مابتحصلش فيه بس جامد عجبنى جدا جدا جااااااااااااااااااااااااامد

موضوع يفطس من الضحك و اللهى عندك حق بالذات فى حكاية مييين ..... أناااااااااااا

ثاااااااااااااااانكس ثااااانكس علي الردود

» جامدة؟؟.. غلسة؟؟.. مستفزة..؟؟
» اسئله تشل
» مواقف ف حياتنا
» اسعد ايام فى حياتنا
» دقائق مهمة وضرورية فى حياتنا