حواديت عن الرسول صلى الله عليه وسلم

الموضوع دا منقول
من جروب
نحن نختلف عن الاخرين

أتركم معاه

:::::::::::::::::::::::::::::::

أنا قررت أنط من فوق السرير

ليه بس يا ميس مسلمة؟؟ البيدج محتاجاكى يا بنتى ^_^

كل ده بسبب الولاد:D

الولاد؟؟

مش فاهمين يا مسلمة قصدك ايه؟؟

قصدى إنهم كل يوم جمعه بيروحوا المسجد و بيسمعوا خطبة و إحنا لأ

أنا بقى فى قلبى ضغينة من ناحيتهم و من موقعى هذا بطالب بشنق الولاد

أنا بحقد عليهم يا نااااااااااااااس هههههههه

استنى بس يا مسلمة

حقد ايه يا بنتى؟؟صفى نيتك بس انتى و استهدى بالله

و نعم بالله

:D

بس برضه نظراً لنظرة الغل اللى فى قلبى ليهم
ههههه

النهاردة بقى زى أما الولاد كان ليهم خطبة..هكتبلكم أنا كمان خطبة..اشمعنى إنتوا يعنى؟ :
^_^

البنات وحشة و للا وحشة؟ ^_*

و موضوعنا النهاردة عبارة عن :
حواديت عن حياة الرسول ^^

و يالا نبتدى بأول حدوتة ^_^

السيدة عائشة بتحكى انهم كانوا قاعدين فى البيت هى و الرسول صلى الله عليه و سلم

فسمعوا ضوضاء النساء و الأولاد داخل المسجد

فخرج الرسول ص.. لقى فرقة الحبشة عمالين يرقصوا بحرابهم و يغنوا فى المسجد

و الصبية و النساء لهم صوت و ضوضاء

كيف يرقصون فى المسجد؟؟؟؟؟؟؟

هشرحلكم بعد شوية بس استنوا عليا

فنظر الى عائشة و قال لها يا حوميراء..

حوميراء لأنها كانت بيضة بشوية حمرة بضم الحاء

و بالمناسبة كمان كان بيحب يدلعها فبيقولها يا عائش من غير( ة )^^

بيدلعها..مش لو واحد قال لزوجته يا حبيبتى ..الناس تقول الراجل باظ و هيعودها عليه بقى

...نظرة تخلف طبعا لا محالة الا من رحم ربى

نكمل !!

فقال الرسول يا حميراء أتحبين أن تنظرى؟؟

فقالت نعم

فوضعت ذقنها ع كتف الرسول و أسندت وجهها على وجهه

تخيلوا الموقف

و جلسوا ينظروا على الحبشة يرقصوا

فالرسول يسأل السيدة عائشة و يقولها ..أفرغتى.؟؟

يعنى فيما معناه خلصتى يا عائشة؟؟ زهقتى من النظر إلى رقصهم و للا لسه عايزة تتفرجى؟؟

فتقول ..لأ

و
بعدين بتحكى فى روايتها و تقول انها مش كانت تبغى انها تتفرج عليهم و ليس
لها حب فى النظر اليهم يرقصون بس علشان تشوف مقدار حبها عند الرسول ص

ايه الروعة دى ياربى؟؟ ^_^

و فى رواية تانية كانت بتقول علشان تعلم النساء مقدار حب عائشة عند الرسول

يعنى من الآخر بتدلل عليه

نيجى بقى لحكاية الرقص داخل المسجد النبوى !!

دخل عمر بن الخطاب ...فأخذ الحصى و قعد يرميهم بيه

فقال له الرسول سيبهم يا عمر حتى يعلموا أن فى ديننا فسحة.

إنما بعثت بالحنيفية السمحة

يعنى بصورة أبسط : سيبهم يرقصوا و مش تضربهم علشان يعرفوا إن ديننا دين التسامح و اللين

ياااااااااااااه ايه الجمال ده يا رسول الله..بجد حاجة تقشعر لها الأبدان

بأبى و أمى أنت يا محمد يا حبيبى يا رسول الله

ندخل بقى على الحدوتة التانية ^_*

دلوقتى طبعا لو لقينا راجل بيفتح لبنت باب العربية

هنقول ع طوووووووووووول يا إما مصاحبين بعض ..يا إما مخطوبين

إنما متجوزين؟؟؟؟؟؟؟؟

إنت بتحلم يا حلمى :D

طيب شوفوا كده الرسول فى الموقف ده...عوضا عن العربية طبعا هيبقى الجمل

بصوا معايا

كانت صفية زوجة الرسول ص لما يكونوا مغادرين للرحال و عايزة تركب الجمل

يعنى بلغتنا دلوقتى مسافرين ^^

يقوم الرسول صلى الله عليه و آله و صحبه و سلم

ينزل على الأرض و يضع ركبته و تضع رجلها ع ركبته علشان تعرف تركب الجمل

..ايه ده؟؟؟؟؟؟؟ أعزك الله يا رسول الله

بجد الموقف ده بالذات اثر فيا لأبعد الحدود.

.الرسول بنفسه بينزل فى الأرض و يجعل من ركبته مسند لزوجته؟؟؟؟؟؟؟

أقول ايه بس؟؟

راااااااااااااائع و للا تحفة و للا يجنن و للا ايه؟؟

بأبى و أمى يا محمد

ندخل على الحدوتة التالتة ^^

السيدة عائشة كانت بتحكى و بتقول

إنها كانت جالسة هى و الرسول صلى الله عليه و سلم..و كانت الليلة دى ليلتها من بين زيجات الرسول..فدخلوا ناموا

فأول أما حطت راسها على المخده...فلقت الرسول قام رويدا رويدا و لبس الجزمة و خرج من سوكات

فغارت جدا عليه و جه فى بالها إن الرسول رايح لواحده من زيجاته التانيين

فلبست و راحت ماشية وراه

فلقته صلى الله عليه و سلم ذاهب للبقيع يعنى مقابر الصحابة اللى كانت بتبعد 3 أو 4 دقايق عن بيت الرسول

و طبعا هى بعيده عنه علشان الرسول مش يشوفها

فقالت فداك أبى و أمى يا رسول الله

أنت مع ربك و أنا فى دنياى

يعنى فيما معناها أنا عمالة شاغلنى الغيرة عليك و إنت يا رسول الله بتزور المقابر

فإنتظرت السيدة عائشة علشان تشوف هيعمل ايه بعد كده

فالرسول ابتدى يرجع

فرجعت هى كمان

فلما الرسول لقى خيالها

هو مش عارف هى مين

فأسرع

..فالسيدة عائشة تقول إنها كمان أسرعت

فالرسول هرول..يعنى ابتدى شبه بيجرى كده.

.فهى كمان تهرول

السيدة عائشة طبعا عايزة توصل البيت قبله من غير ما الرسول يعرف

و بالفعل وصلت البيت قبل الرسول..و عملت نفسها نايمة ^_^

و طبعا فيه تتابع فى خروج أنفاسها من كتر الهرولة

فالرسول سمع صوت أنفاسها المتلاحقة

يا نهار أبيض؟؟

السيدة عائشة بمفهومنا دلوقتى اتقفشت

فقال ..عائشة ما هذا النفس؟؟

فقالت لا شئ

فقال الرسول : أولا تخبرينى أو ليخبرنى العزيز الكريم

؟؟

يعنى فيما معناها...تقولى لى و للا ربنا اللى يقولى؟؟

فقالت له إنها غارت عليه جدا..و فكرته رايح لزوجة من زوجاته التانيين

..الرسول إتأثر كده..يعنى انتى اكتر حد بحبه يا عائشة..أنا ممكن أظلمك؟؟؟؟

فإعتذرت السيدة عائشة من الرسول و انتهى الموقف

تعالوا بقى نقارنه بحالنا اليومين دول...لو واحد مراته شافت الموبايل بتاعه

تبقى مش بتثق فيه..و يروح يشتكى لأهلها و أهله إن غيرتها معناها عدم ثقة فيه..و إنها إزاى تجرؤ و تفتح الموبايل بتاعه

و يبقى يوم مش معدى و مش بعيد ينتهى بطلاق

مفيش حد بيقدر غيرة الزوجة..ايه المشكلة اما تغير على زوجها حبيبها؟؟

أو العكس لو كان الزوج؟؟؟؟

صحيح الغيرة الزيادة بتخنق

بس إحنا بنتكلم عن الغيرة الكويسة دلوقتى

ياااااااااه اد ايه الرسول جميل ..فى تقديره لغيرةالسيدة عائشة عليه

بجد إنسان فووووووووق راااااااااائع

و كفاية عليكم كده النهاردة و أتمنى إن ال 3 حواديت

كفاية إن نظرات الغل اللى بتوجهوها للشباب تختفى هههههههه

و السلام عليكم و رحمة الله و بركاته

تحياتى للجميع

احلى 3 حواديت يا زوزو
مشكورة على المجهود
منتظرين جديدك

مشكورة انتى ع طلتك

يا جوجو

» 100 سنة ثابتة عن الرسول صلى الله عليه وسلم
» حكم ووصايا الرسول (صلى الله عليه وسلم)
» آخر وصايا الرسول (صلى الله عليه وسلم )
» سيرة الرسول (صلى الله عليه وسلم)
» معجزات الرسول (صلى الله عليه وسلم)