فى
شوية عيال عاوزين يعملوا ثورة يوم 25 يناير يا ريس زى تونس...؟؟؟ اتصرف
معاهم يا عادلى انا موش ناقص وجع دماغ...تمام يا فندم....وفعلاحاول
العادلى يوم25 يناير ان يتصرف معانا بكل الوسائل حتى الرصاص الحى ولكنه
فشل.... وفى تقريره للرئيس مساء اليوم قال له قمنا بسيطرة جزئية يا ريس
وادينى فرصة 3 ايام وهتختفى المظاهرات... اخلص يا عادلى العالم كله باصص
علينا.... تمام يا فندم بس انا محتاج استخدم الرصاص زيادة شوية عشان
العيال دول يخافوا....اتصرف يا عادلى انا موش عاوز دوشة....تمام يا
فندم....وجاء يوم الجمعة المشهود حاول العادلى واتباعه بكل الوسائل منع
وتخريب الثورة .... رصاص حى فى كل مكان....الشهداء يتساقطون فى كل اتجاه
ليشعلوا الثورة ويلهبوا حماسة الشباب....الو يا يا سيادة الوزير ضربنا فى
المليان وبكثافة ومفيش تراجع... يعنى ايه؟؟؟ يعنى الاعداد زادت جدا يا
فندم...انا حاسس ان احنا موش قادرين نسيطر وده نفس التقرير اللى جاى من كل
المحافظات... معقولة.. عموما مفيش وقت هنلجا للخطة البديلة انسحبوا
وافتحوا السجون عشان الفوضى تنتشر فى البلد....تمام يا فندم...واختفى
العادلى وجهازه بالكامل ليجد الرئيس نفسه وحيد سوى من بعض اصدقائه
والجيش....الرئيس يدرك حجم الخطر ويقدم بعض التنازلات التى طالما
رفضها...ولكن الشعب لم يهدا...الى ان اقترح عليه ابليس الانس ان يتبع
سياسة فرق تسد وان يلصق الثورة بالاخوان لتفقد الدعم الخارجى ويحدث الشق
فى صفوف المصريين بين المسيحيين والمسلمين من جهة والشيوعيين والليبراليين
من جهة ولم تفلح هده الخطة ايضا....
فلجا انس الفقى الى مشايخ سلفيين
مثل محمود المصرى ليظهروا لاول مرة على التلفزيون المصرى ويطالبوا الشباب
بوقف الثورة وكان الفقى قد داب فى الفترة الاخيرة على اغلاق قنواتهم
ووصفهم بمشايخ الفتنة.... وفى هدا اشارة الى ان ارئيس ليس علمانيا ولا
متدينا وليس شيوعيا ولا ليراليا ولا صهيونيا ولا امريكيا وليس له توجه سوى
الكرسى فهو على استعداد تام للتحالف مع الشيطان من اجل الكرسى....
وكانت
الورقة الاخيرة فى يد النظام هى بث الفرقة من خلال اعلامه الحكومى والخاص
واصبحت الجملة المكررة ( اننا مع شباب 25 يناير ولكننا لسنا مع المعارضة
اللى ركبت الموجة)
ووصل هدا النفاق الى الحد الدى وصف فيه عماد الدين
اديب اننا مع شباب 25 يناير الطاهر ليوهم الناس اننا امام فريقين فريق 25
يناير الطاهر والمعارضة غير الطاهرة...
ادن ماهى حقيقة شباب 25 يناير الطاهر....؟؟؟ الحقيقة والمفاجاة انه لا يوجد شئ اسمه شباب 25 يناير...؟؟ كيف هدا...؟؟؟
ببساطة
بدات الدعوة للثورة بعد الثورة التونسية على صفحة خالد سعيد وبجرد اطلاق
الدعوة تلقت الصفحة دعم وتاييد وموافقة من كل من شباب6 ابريل وشباب الغد
والوفد وشباب حملة جمدين صباحى وشباب الجمعية الوطنية للتغيير وشباب
الاخوان وشباب حملة البرادعى رئيسا للجمهورة بالاضافة للعديد من الشباب
المصرى الغير منتمى لاى حزب مصرى بالاضافى الى العديد من الفنانين
والمشاهير والاعلاميين وقادة الاحزاب التى استجاب شبابها اولا ثم استجاب
بعد دلك قيديها... مما يعنى ان شباب 25 يناير الطاهر كما يقول عماد اديب
هم كل شباب احزاب المعارضة بالاضافى الى الاف الشباب المصرى الغير مسيس
وبناءا عليه لا يمكن الوقيعة بين شباب المعارضة وشباب 25 يناير لانهم
ببساطة شديدة وجهين لعملة واحدة....
وهكدا ستفشل اخر خطط النظام ليرحل بعدها مبارك تاركا مصر لابنائها المخلصين....
واخر رسالة يمكن ان ارسلها لمبارك هى مقولة الملك فاروق :::ان نقطة دم مصريه أثمن عندي من كل عروش الدنيا ،
والرحيل فورا أهون على قلبي من سفك دماء مصريه حفاظا على منصبي ...
