لما تغمدني الامل

في البدايه الموضوع منقووووووووول

صباح الأمل ( 1)

زارنى الأمل من غير معاد
وأنا من زمان عامل حِدَادْ
والدنيا فى عْنَيَّهْ سَوَادْ
يومى نكد ليلِى سُهَادْ
باشْكِى الضَّنَا لرَبِّ العِبَادْ
**
خَبَّطْ على بَابى انْفَتَحْ
دخَلْ البريد عامل فَرَحْ
مَعْرَفْشْ ليه قلبى انْشَرَحْ
ولقيتنى حاسس بالوِدَادْ
**
قال لى أنا هُوَّه الأمل
وسَّعْ عشان اثْبِتْ عَمَلْ
قُلْتْ الأمل كان من زمان
هُوَّه الزمن عُمْرُه اتْوَصَل ؟
الحظ مال من مِيْتْ سنه
إزاى هيرجع يِتْعَدَلْ ؟!
قال لى: لو انْتَ تابِعْتِنِى
هتشوف سنين هايلين جُدَادْ
**
إزاى بصل هيكون عسل ؟!
والنار هتبقى ازاى بلل ؟!
وازاى ظلامى هَيِتْبَدَلْ ؟!
واللين هَيِسْرِى فى الجَمَادْ ؟
**
غَمَّضْ عِينيك ، فَتَّحْ عينيك
الوقتى أيه باين عليك ؟
إقفل إيديك ، افتح إديك
صَدَّقْ دا كُلُّهْ الوقتى لِيك
أنا ربنا قال يا أمل
رُوْحْ الجَدَعْ ده بيناديك
جيت لك عشان قلبك نَدَهْ
جيت لك بأمر اللى مراعيك
موش كنت سايب ربنا
هوه اللى يتولى اللى فيك؟
قال لى أجيلك اشيل شَقَاك
وازرع فَرَحْ يِشْفِى اللى بِيك
ياه يا أمل ، ياه يا أمل
دا كلام حقيقى ؟ الله عليك .
**
الورد نَبِّتْ من جِدِيدْ
والدَّمْ زَغْرَدْ فى الوريد
والليل رَقَصْ والدنيا عيد
ومع الدَّفَا وهَمْسِ الوفا
ونُور الصَّفا وأحْلَى نشيد
ومع النَّغَمْ ويَّا النِّعَمْ
والفرح هَالِلْ من بِعِيدْ
قلبى رقص نشوان سعيد
**
بص الأمل قال لى احْتَييتْ ؟
قلت: وبقالى الوقتى بيت
قال لى: سعيد ، قُلْتْ الحقيقه
أنا حاسس انى معاك بَقِيتْ
زى الفراشة فى الجناين
حَبَّهْ حَبَّهْ فوق عِليتْ
طاير على جناح الهوا
سيبنى كده طاير يا ريت
أنا كُنْتْ فين والوقتى فين؟
ولا عارف انتَ أمته جيت
أمتى السعادة دى ابْتَدَتْ ؟
أمتى الهنا خَدْنِى وْبَكِيتْ؟
أنا كُنْتْ عايش من زمان
على إنِّى يا أمل انتهيت
**
خَدْنِى الأمل وسرح بعيد
وسألنى فين أُمَّكْ يا وَادْ ؟
لَمْلِمْت رُوحِى وقُلْتْ: أيه
تِقْدَرْ تِقُولْ يا سندباد:
أُمِّى حَزِينَهْ يا أمل
شايله على اكتافها جَبَلْ
عايشَه الزَّمَنْ كُلُّه مَلَلْ
فى جَرْحْ بالغ فى النَفَادْ

أمى انْدَبح فيها الأمَانْ
أمَّى جمح بيها الحُصَانْ
أمى اتْرَمَتْ فى بِيْر بُكَاهَا
بْتِشتِكِِِى غَدْرِ الزمان

أمى بِعين شايفه اللى فَاتْ
وعين على بكره اللى مَاتْ
ما لهاش غير نار السُّكَاتْ
وشريط طويل م الذكريات
أمى لو انت قابلتها
كُنْتْ بإديك لفلفتها
وبْكِيتْ أسَى على بَخْتَهَا
ولا كُنْتْ جِيتْ ، ولا سِبْتَهَا
وانا يا أمل غَسِّلْتَهَا
بدموع عنيه وفُوتَّهَا
لله يِدِيْرْ المنتهى
**

يِسْعِدْ صَبَاحَكْ يا أمَلْ
*

*

طويييييييييييييييييييييل

جميل يا دودو
واصلى

وجودك اجمل يا زوزو

منوووووووووووووووووووووره

دا نورك يا جميل

الله يخليكي يا قمر

جااااااااااااااامد يا دود
واصلي

وجودك اجمد يا لولو

نورتي

رووعه

انت اروع يا قمر
نوووووورتي

» قطرات الامل الباردة
» ويبقى الامل مادامت الحياة
» الامل مثل المطر يروي ضمى القلب الحزين