خد بالك يا ابنى

زائر

الحب عند البنات .. يسير وفقا لسياسة الباب الموارب ..
بمعنى أصح .. لا بيرحموا ولا بيسيبوا رحمة ربنا تنزل!

-(انت الوحيد اللى قدر يفهمنى من أول مرة.. عارف أنا لو فكرت أتجوز بعد الشر.. بعد الشر.. يعنى أكيد هأتجوزك .. بس بجد احنا أصحاب.)الكام كلمة دول هما الكلمات الاكثر تداولاً لدى البنات وهما طريقهم وملخص لاسلوبهم فى التلاعب علينا يا ولاد يا مساكين قدام كيدهن العظيم ، تلاقى البنت من دول من أول مرة تشوفك فيها وأسلوب كلامها يتغير وتبدأ تقرب منك ولو اتشديت ليها أكيد انت كمان حتقرب لها وبمجرد ما تقرب انت منها تبدأ هى ترسم خط بينكم أو شعرة بتسيبها دايما بين انكم تكونوا أصحاب أو بتحبوا بعض هى بتكون خايفة انها تحبك وانت ما تحبهاش فعشان ما تطلعش ضعيفة أو يكون الحب من طرف واحد بتقوم تظهر وكأنها صديقتك وليست حبيبتك ، تبقوا مع بعض فى الجامعة وقاعدين بتتكلموا فى أى حاجة وفجأة تسييبك وتقعد تتكلم مع أى حد من أصحابها التانيين ولما تيجى تعاتبها ترد علك بكل سذاجة : فيه ايه .. انت بتغير على ؟!"
وكأنها لا تسأل بل تتعجب وكأنها تقول " فوق يا أحمد احنا أصحاب " وتبدأ انت بالتعامل مع الموقف على هذا الاساس وتنحى مشاعر الحب جانبا وتبدأ تتعامل معها على أنها صاحبتك لغاية ما تفوق تحبك ولو حصل وشافتك واقف مع بنت بتتكلم معاها فترة طويلة أو اتخانقت مع ولد عشان بنت تانية تقوم تقولك وهى بتزعق " انت سايبنى واقفة هنا وعمال تتخانق وتتسرمح مع البنات؟ "
تقوم ترد عليها بكل سذاجة " ايه .. انت بتغيرى عليا ولا ايه؟! " ويعود الشد والجذب ولما تحس ان الشعرة اللى بينكم بدأت تكبر تقوم ترفعها وتقرب تقطعها وتقولك لو سمحت ما تكلمش فلانة أصلى مش بأستريح لها خالص ولا فلانة عشان مسهوكة زيادة عن اللزوم ولا فلانة ولا فلانة ولا فلانة ولو كلمت فلانة الفلانية دى بقى يبقى تنسى إنك عرفتنى خالص ..
لتطول مقصلتها رقاب كل البنات اللى على موبايلك لتعود وتسألها " ايه انت بتغيرى ؟"
وكرد فعل لهذه الخية المفاجئة منها والغيرة المفاجئة برضه تبدأ انت تحن وتقرب منها أكثر.. وتخفف كلامك مع الناس اللى هى بتكرههم وبعدين يا أخى فجأة وبدون سابق انذار تيجى تقولك " على فكرة يا أحمد أنا كنت عاوزة أقولك على حاجة مهمة أنا فى واحد حبيته وبما اننا أصحاب كان لازم أنت اول واحد يعرف" تمالك أعصابك وما تسبلهاش عنيك , عادى هى دى البنات وأكثر من كده ، الطبيعى والمفروض انك تقولها " بصراحة أنا ما كنتش مصدق اننا متوافقين بالشكل الغريب ده.. أنا كمان فيه واحدة بأحبها وكان لازم تكونى أول واحدة تعرف" _ نصيحة _اختار احدى الفلانات التى اشتكت منهن ولتكن أول فلانة فى قائمة الممنوعات وعلى ضمانتى ستقطع الشعرة وتحرقها.

خد بالك يا ابنى
اوعى تسيب نفسك لبنت
منقووووووووووووووووووووووووووووول

مش كل البنات كده على فكرة
شكرا على الموضوع

زائر

شكرا يا محمود على الموضوع دا ...............وانا واخد بالى علطوووووووووول
خد بالك يا ابنى 4

زائر

يمكن مش كله كدا
الموضوع نور بمروركم

يمكن لا مش يمكن
اكيد مش كلهم كده
(( فوق يا محمود احنا على المنتدى ))
بلاش تسوءوا سمعتنا احنا البنات كده
دا احنا فراشات ولا ايه

زائر

بس هاقولك حاجة انت متعرفيش كل البنات علشان تقولى كده
اما لو قصدك على البنات الى فى المنتدى فانا الى اعرفهم منهم اعرف انهم محترمين
والموضوع من اساسه مش عن بنات المنتدى
وانا بجد فايق اوى
الى مش فايق با يفوق معايا

مكنوش شويه هزار

فى نوعيات كتير وفى الحلو والوحشوهو فى الاخركل واحدة هتجوز صاحب نصيبها واللى ربنا كتبه لها

زائر

طبعا فى الحلو وفى الوحش فى كل حتة فى العالم
نورتى الموضوع

شكرا لك

» حط في بالك شخص غالي عليك....
» ايه اللى شاغل بالك؟؟؟؟
» اهلا اهلا ابنى الغالى احمد المحجوب