نداء هام جدا لجميع اعضاء المنتدى والسادة المدرسين للمشاركة فى برنامج الخير

السلام عليكم ورحمة الله وبركاته
احبابى وابنائى اعضاء ومشرفين المنتدى
تحية من القلب خالصة مع تمنياتى بالنجاح والتوفيق لكم جميعا فى امتحانات اخر العام
يسعدنى ان اتبنى فكرة الطالب / محمد سامح وهى عمل برنامج للخير خاص بالطلاب واتمنى منكم جميعا بل
ومن الاعضاء الغير موجودين بالمدرسة ان يشاركونا هذا البرنامج
نيجى بقا للشرح وده المهم طبعا كلنا عندنا كتب السنة دى وان شاء الله بعد الامتحان هيكون مصيرها صندوق القمامه انا عيزاكم كلكم تتبرعوا بالكتب دى ونجمعها مع بعض ونوزعها بعد كده على الطلاب المحتاجين لها وطبعا ده هيكون بمعاونتكم وكمان الطلاب اللى فى الثانوى برده عايزين الكتب بتاعتكم لاننا بعد ما نوزع الكتب دى على الطلاب المحتاجين فى المدرسة هانخرج بره فى الحى ونوزع الكتب على الطلاب المحتاجين حتى لو مش موجودين فى مدرستنا
خلصنا كده من موضوع الكتب يجى بعد كده الملابس كلنا الوقتى بنطلع الملابس بتاعة الصيف فيه طبعا اللى ينفع انه يتلبس منها وفيه طبعا اللى صغر علينا احنا برده هنجمع الملابس دى ونوزعها على الطلاب المحتاجين لها وبرده على الناس الموجودين فى الحى ومحتاجين لها
وانا متبرعه من عندى بمكواه علشان نظبط الملابس دى
وياريت لو اى حد ليه فكره معينه يساعدنا بيها فى برنامج الخير اللى هنعمله بمعاونتكم طبعا والدعوة دى انا بكرر اهوه ليكم كلكم ولاقاربكم ولجيرانكم اتمنى منكم المشاركة الفعالة وربنا يوفقنا جميعا لعمل الخير
ها مين اول واحد هايشترك معانا فى برنامج الخير

انا هشارك معاكوا باذن الله

ايوه كده يانانو تمام عقبال باقى الاعضاء مايشتركوا معانا

فكرة جامدة يا مس وعالبركة ان شاء الله

جمييييييلة جدااااااااااااا

» نداء هام جدا لكل عضو ومشرف معانا لاشتراك فى قافلة الخير بالمدرسة
» لعبة اعضاء المنتدى
» اعتذار لكل اعضاء ومشرفي المنتدى
» البقاء لله رجاء دخول جميع اعضاء المنتدى
» حصريا تابعونا كل يوم في رمضان واكسبوا الخير لمن يحب الخير