كان قاعد مع شله بنات و هو تقريبا الولد الوحيد فى وسطيهم لحد ما ندى جت عليهم عشان تسأل صحابها على حاجه
ندى : سلام عليكم
عمر : وعليكم السلام و رحمه الله و بركاته .. اتفضل
ندى : ميرسى بعد اذنكم فى حد معاه محاضره الاقتصاد لأنى منقلتهاش
فردت واحده من الشله : اه معايا اهى بس انا محتاجها ممكن تصوريها و تجيبهالى تانى
عمر : لنفسه - هو ده الموقف لازم استغل الحركه دى اعمل ايه . اعمل أيه ... اه لقيتها
طب انا كمان منقلتهاش والله كويس انك فكرتينى .. اخرج اصورها معاكى بالمره
ندى : خلاص قدام انت خارج روح وصورلى نسخه معاك
عمر : لنفسه - يا ادى النيله فى البت دى اعملها أيه بس مش لاقيلها حجه ادخلها منها
عمر : اوك من عنيا تحبى اصورلك حاجه تانى بالمره ما هو مشوار واحد
ندى : اه بليز عشان مش قادره اخرج صورلى الملزمه دى و صور فى الكشكول ده من هنا لحد صفحه 31
عمر : لنفسه - طب انا كنت بعزم عزومه مركبيه - ده ايه البت اللى العشم قاتلها دى
عمر : حاضر -- اخلع عنا لحسن تفتكر ماده تانى مصورتهاش
ندى : لو سمحت يا...... بس بس الفلوس
عمر : يا عمر اسمى عمر محمد .. لما اجى الاول ومش باين انى هاجى انهارده
وبعد مرور ساعه و ربع فى المكتبه و التصورير والورق اللى مش بيخلص..............
يرجع عمر و شايل ورق كتير جداااااا
عمر : اتفضلى ده ورق الاقتصاد .. ودى الملزمه اللى قولتيلى عليها و دول الكام ورقه اللى قولتيلى عليهم
ندى : اممم ماشى بس ايه التصوير الزفت ازاكر انا منه ازاى دلوقتى
عمر : لنفسه - يخربيت قله الزوق والاحراج ده ايه البت دى انما حتى فى شكرا و انا الى عمال اصور وتاعب نفسى وهى قاعده مسترحيه
عمر : لا شكر على واجب ..يا ندى .. صح مش كده ؟
ندى : اه صح وانت عرفت منين اسمى
عمر : - على اساس ان اسمها سر و مش قايلاه لحد انا خلاص قربت اتشل -
عمر : من الملزمه انتى نسيتى ولا ايه
ندى : امممممم اوك صورت الورق بكام هو حوالى 7 ج او 8 ج مش عارفه ها بكام الشويه دول ؟
عمر : - شويه - ده على اساس ان التصوير بالكيلو بس لا طبعا مش هاخد منها حاجه اهو يبقالى عندها جميله -
عمر : المره الجايه بقى المره عليا . عن اذنك بقى
ندى : لا طبعا . خد رايح على فين الفلوس .. عمر يا عمر
عمر : سلام اشوفك بكره ان شاء الله
وكان احلى يوم ل عمر فى الترم ده وانه ماشى مش مصدق نفسه و عايش حلم جميل و كل شويه يفتكر فى الكلام ولا كأنه كلام رومانسى و نسى طريقتها معاه .. هى قليله الزوق اه .. بس على قلبه زى العسل
وبقى كل ما يشوفها يسلم عليها او هى تسلم عليه فضل على كده لحد ما عدى اسبوع سلامات بس مفييش بينهم اى حواار
وبعد اسبوع السلامات ده كان فى يوم جميل جدا على عمر انه قدر يتكلم معاها
عمر : صباح الخير
ندى :صباح النور ازيك عامل أيه ؟
عمر : الحمد لله تمام و انتى ايه اخبارك
ندى : كويسه الحمد لله .. محضرتش المحاضره ليه
عمر : زى ما انتى شايفه لسه جاى دلوقتى و ملحقتهاش كالعاده و انتى جيتى متأخر ولا أيه ؟
ندى :لا لا انا اللى محضرتهاش بمزاجى اصلها محاضره ممله اوى . انت رايح على فين كده
عمر : مش رايح والله طبعا كله فى المحاضره فهدور على حد اقعد معاه لحد ما المحاضره تخلص
ندى : خلاص خليك قاعد هنا شويه لحد ما ينزله
عمر : لنفسه - ده ايه اللى بيحصل ده .. لا انا مصدق تلاقيها شاربه حاجه ع الصبح مش معقول الكلام ده منها لا دى مجنونه رسمى بس استغل الفرصه بس هنتكلم فى ايه ايه -
عمر : طبعا ميرسى وانتى عامله أيه
ندى : الحمد لله كويسه
عمر : يعنى كله تمام ؟
لنفسه - ده ايه الهبل ده شكلها هتشتمنى دلوقتى -
ندى : يعنى ده المفروض ده سؤال تانى .. امممم يارتنى كنت حضرت المحاضره
...... وفضل عم عمر ساكت مش بيقول ولا كلمه لمده نص ساعه لحد ما ربنا فاتحها عليه والالهام جاله ......****
عمر : مقولتلييش بقى عندك كام اخ واخت ؟
ندى : عندى اخ واخت والاتنين متجوزيين .. وانت عندك كام اخ كام اخت كام اب وام ؟
عمر : انا يا ستى عندى اخ واخت برده .. احمد فى سنه رابعه و ريم فى سنه تالته ثانوى و حلوه كام اب و ام دى ههههههه .. عندى يا ستى اب واحد وام واحده و كفاية اوى على كده
ندى : - بسرعه - لا اصلا انا عندى اتنين ماما وواحد بابا عشان بابا وماما منفصليين راح بابا متجوز واحده تانيه بس ماما مرديتش تتجوز انا بقى بحب ماما اكتر من بابا لأن بابا مش قاعد معانا و اصلا اصلا مش بنشوف بابا الا فى الاعياد ف مرات بابا كويسه و شكلها احلى من ماما برده الواحد يقول اللى ليه و اللى عليه .. عشان كده ماما مش بتحبها و بتقولنا متروحوش عند مرات ابوكم
عمر : - يا بنت الرغايه ايه كل ده يارتنى ما سألت بس تمام اهو يجى منها و ابتدينا نتكلم يارب تكلم على كده -
عمر : اه امممم ربنا يخليهالك ..... وبتقضى يومك ازاى بقى فى الملل ده ؟
ندى : ابدا والله بصحى من النوم و اصلى و افطر و كده و اقعد ع الفيس شويه واهو اليوم بيعدى ولو فى محاضرات بنزل و برجع اقعد ع الكمبيوتر وانام بس كده
عمر : هو انتى ع الفيس .. ماتنسيش تبقى تضفينى عندك و ده الايميل عشان ميبقاش فى حجه
Omar_miro2010
ندى : حيلك حليك يا عم انا اصلا مش بقبل اولاد عندى
عمر : معلش انا قلت يمكن عادى ولا حاجه
ندى : لا مش عادى .. قولتلى الايميل ده ياهو ولا هوت ميل
عمر : انا مقولتش اصلا بس هو ياهو
ندى : اوك يلا قوم بقى عشان اهم خلصوا المحاضره يلا سلاااام
عمر : سلاااااام
وكان يوم بالنسباله جميل جداا و كان طاير من الفرحه و مقضيها اغانى رومانسيه و عايش حياته جدا لحد ما روح البيت ولقى المفجأه اللى مكنش متوقعها ابدا :
وهو بيفتح الفيس لاقاها عاملاه اد .. طبعا من غير ما يفكر داس اوك عالطول لحسن ترجع فى كلامها
ومن بعد يوم الفيس ده و هما بقوا يتكلموا ع الفيس كتير جداااا و دايما كومينتات على لايك و من الفراغ اللى عنده كل شويه يعملها تاج فى صوره و تقريبا خدوا على بعض جدا .... وكان ملاحظ منها اهتمام كبير و كان حاسس انها بتحبه زى ما بتحبها و فضل يلمحلها اكتر من مره .. و اصلا عينه كانت فضحاه و معرفش يخبى حبه ده
لحد ما كرر فى يوم يصارحها بحبه ده بس طبعا مش قدامها لأنه قللقان من الرد ف كان بيكلمها ع الفيس وحصل بينهم الحوار ده :
Nada : هاااااااااااااااااااااى .. ازيك عامل ايه ؟
Omar : Hiiiiiiiiiiii el7 tmam enti 3amla a ?
Nada : الحمد لله احسن منك
Omar : Yarab Daymn . Nada
Nada : ايون
Omar : Kont 3ayz aklmk f mawdo3 bs 3ayzk tsbini atkalm lel a5er w ahm 7aga en 3laktek mate3`ayrsh ma3aya
Nada : هتلقلنى ليه ,, قول قول سرك فى بير و متخافش يا سيدى مش هقطع علاقتى بيك بس متكتبلييش فرانكوا عشان بقراه بالعفايه و مش ناقصه شلل
Omar : اووووووووووووووووك
Nada : ها بقى عايز تقول أيه ؟
Omar : بس متقطعنييش خاااالص و خلى كومينتاتك للأخر لما اخلص كلامى
Nada : :@ :@ :@ استغفر الله العظيم قول وانجز و مش هقاطعك متخافش يلا قووول
Omar : ندى انا من اول مره شوفتك فى الكليه وانا اعجبت بيكى ومن اول نظره ومعرفش ايه اللى حصلى من بعد حياتى اتغيرت و مبقتش افكر الا فيكى .. متصدقيش انا تعبت ازاى عشان اكلمك او اكنت الاقى حجه اوصلك فيها .. ندى الحب ده مش هعرف اوصلهولك لأنى مهما وصلت مش هقدر والله بقيتى اهم حاجه فى حياتى انا مش باجى الجامعه الا عشان خاطرك انتى و لو يوم مجتييش فيه او مفتحتييش ميل بتجنن
انا خلصلت كلامى و عارفك اكيد مستغربه او مصدومه بس الحب ده مش ب أيدى و حسيت ان ده الوقت اللى لازم اقلك فيه
Omar : Nadaaaaaaaaaaaaaaaa :S :S
Nada : ايوه .. معلش كنت بكلم ماما استنى عليا بقى لما اقرا
Omar : اوك
الحلقة الثانيه
.. Tb bt7b aw 7abet 2abl kda 
